KAMING MAGOG BUNIT
Ni Napoleon Fadri

Mahirap ag masadya ka buhay it magogbunit
Imo ka tanang tun-og ag pati init
Pag minalas ag naylon ay sumangit
Pang hapros ka kidamot sa kayayanit

Maski Kontra sa suyog pilit nak mabugsay ka
Para makaabot yang ruto sa linya
Lalo kung nakikitang nagpapakubitey kag iba
Todo ka pagbugsay mapoypoy man sa abaga

Pag durong nababa-oy yawas ay masigla
Deretso sa piliw para makabenta
Ka imo baroto'y badaw it barkada
Nak ka hinghing ay mapahilas baga

Ugaling pag inabot ka it malas
Sa pag paul'y mayuda ka yawas
Wayat na sapoy nak magog pahilas
Hastang baroto nimo'y inabot it hunas

Ka magug bunit aya ra ni apiha
Nak aso inra ka ato pagasa
Kung ka isra ninra'y indi sa ato ibenta
Kita gihapon it maagwanta